Windows
Prjedy hač instalaciju započnjeće, přepruwujće, hač waš system Windows systemowe žadanja za LibreOffice spjelnja.
Wužiwarjo předewzaćow a organizacijow: Prošu wopytajće tutu stronu za informacije wo přewostajenju a migraciji.
Njetrjebaće prjedy instalowanu wersiju LibreOffice wotinstalować. Jeli maće hižo instalaciju LibreOffice, budu so wšě waše nastajenja wobchowować a stara instalacija so prosće přepisa.
1. Instalowansku dataju LibreOffice sćahnyć.
Sćehńće instalowanski dataju LibreOffice wot tuteje webstrony LibreOffice. Instalowanska dataja LibreOffice za Windows wšě k dispoziciji stejace rěče wobsahuje, rěčny pakćik njetrjebaće.
Składujće instalowansku dataju do rjadowaka swojeje wólby. Přeńdźe k wubranemu rjadowakej a klikńće dwójce na instalowansku dataju. Powitanski dialog so wočini, kotryž was namołwja, instalowanski proces startować.
Klikńće na “Weiter”.
2. Wubjerće instalacisku družinu:
Druhi dialog so wočini, hdźež móžeće wubrać, hač chceće standardnu instalaciju abo swójsku instalaciju, při kotrejž móžeće postajić, kotre komponenty so hdźe instaluja. Jeli standardnu instalaciju chceće („Typisch“), klikńće na „Weiter“, jeli swójsku instalaciju chceće, klikńće na „Angepasst“ a potom na „Weiter“.
3. Jeli swójsku instalaciju chceće, móžeće swoje požadane kompontenty wubrać.
Komponenty móža module, přidatne filtry, ale tež rěčne pakćiki być. Móžeće potajkim rěčne pakćiki wubrać, kotrež maja so instalować. Jendźelšćina a rěč wašeho rěčneho systema so po standardźe wuběratej. Nimo toho so wšě prawopisne słowniki po standardźe wuběraja. Móžeće jenož te wubrać, kotrež woprawdźe trjebaće. Móžeće tež njewitane rozšěrjenja wotwolić. Wubjerće, štož trjebaće, a klikńće potom na „Weiter“.
4. Zdźělće LibreOffice, hač chceće dokumenty Microsoft Office po standardźe wočinić.
Tutón dialog so was praša, hač chceće dokumenty Microsoft Office z LibreOffice wočinić. Po standardźe tuta funkcija njeje znjemóžnjena. Jeli chceće LibreOffice wužiwać, zo byšće w přichodźe dokumenty Microsoft Office wočinił, stajće hóčku do wšěch třoch kontrolnych kašćikow.
5. Wutworće zwjazanje na swojim desktopje, zo byšće potom pokročował
Přichodny dialog so was praša, hač LibreOffice ma zwjazanje na wašim desktopje wutworić a hač ma so LibreOffice za systemowy start začitać. Po standardźe chce LibreOffice jenož zwjazanje na desktopje wutworić. Wubjerće, štož wy chceće a klikńće potom na „Installieren“.
6. LibreOffice so instaluje:
Instalowanski proces so nětko započina, a hdyž je dokónčeny, so kónčny dialog pokazuje, zo by was informował, zo LibreOffice je nětko instalowany. Klikńće na „Beenden“.
7. LibreOffice je hotowy!
Hdyž instalowanski proces je dokónčeny, so kónčny dialog pokazuje, zo by was informował, zo LibreOffice je nětko instalowany. Klikńće na „Beenden“. Posledni dialog so začini.
Slědujće nam