Nowe funkcije

LibreOffice 6.2 nowy opcionalny design wužiwarskeho powjercha z mjenom Symbolowy pask (jendźelsce NotebookBar) wobsahuje. Zjednoćuje symbolowe lajsty a zeskupja je do rajtarkow a pomha wam, efektiwnišo a spěšnišo dźěłać. Wobhladajće sej tute widejo, zo byšće jón w akciji widźał a kak móžeće jón wupruwować:

Hdyž we Writer změny w dokumenće slědujeće, je wuwjedźenje wjele spěšniše - předewšěm we wulkich dokumentach. Přidatnje móžeće tabelowe daty direktnje do eksistowaceje tabele zasadźić (město jako objekt, luty tekst abo nowa tabela). LibreLogo, programowanski wužwarski powjerch za grafiski design a kubłanje ma testowanje jednotkow, porjedźenja kompilowaka a polěpšenja.

W Calc je nětko móžno, multiwariatnu regresijnu analyzu z pomocu regresijneho nastroja přewjesć. Wjele dalšich statistiskich měrow je we wudaću analyzy k dispoziciji, mjeztym zo datowe přepruwowanje nětko swójske formle podpěruje. Skónčnje je so nowa funkcija, REGEX, přidała, zo by tekst z pomocu regularneho wuraza filtrowała a jón na přeće wuměniła.

Hdyž animaciju w Impress wobdźěłujeće, móžeće nětko pohibowu šćežku změnić, hdyž jeje kontrolne dypki ćehnjeće. Tež někotre rysowanske předłohi z poćahom na tekst su so přidali, a tabelowy podmeni je so menijej Format w Draw přidał.

W LibreOffice Online, wersiji běroweho paketa za mróčel, je so wužiwarski powjerch za mobilne graty zjednorił, z lěpšej reakciskej zamóžnosću a aktulizacijemi za tastaturu na wobrazowce. Mjeztym je so wěstota přez awtentifikaciju zesylniła, kotraž je kompatibelna z Vereign, a přez dokumentowe signowanje z nowej signowanskej lajstu.

Za dospołnu lisćinu nowych funkcijow w LibreOffice 6.2, hlejće naše wersije informacije.

LibreOffice je swobodna softwara, kotraž njeby bjez załožby The Document Foundation a jeje dobrowólnych sobuskutkowarjow móžna była. Za tute wozjewjenje bychmy so rady wosebje wuwiwarjam dźakowali, kotřiž su swojeho njesměrneho dźěła a napinanja dla w našich wersijowych informacijach naspomnjeni. Tež wy móžeće k LibreOffice a projektej Document Liberation přinošować – hlejće kak móžeće sobu činić.

Najnowše tweety

@libreoffice
@tdforg