Załožba
Załožba »The Document Foundation« so wot swojich čłonow nawjeduje a doprědka ćěri. Jeje misija je, wuwiće a projekt LibreOffice podpěrować a hajić, kaž tež jeho reprezentaciju. Móžeće tu naš manifest za přichodny lětdźesatk čitać. Załožba so přez wšelake organy a přistajenych zarjaduje:
- Dohladowanska rada (Board of Directors (jendźelsce), krótko „BoD“): BoD załožby je zamołwita za hłowne rjadowanje projektow a team załožby. Čłonojo rady su sudniscy a zwonkasudniscy zastupnicy załožby.
- Komitej čłonow (Membership Committee (jendźelsce), krótko „MC“): Misija komiteja čłonow je, zamołwjenje wo čłonstwo a jeho ponowjenja zarjadować a wólbu dohladowanskeje rady dohladować.
- Kuratorij čłonow (Board of Trustees (jendźelsce)): Kuratorij čłonow so ze wšěch ludźi zestaja, kotřiž aktiwnje k projektam załožby přinošuja. Zo bychu was jako čłon připóznali, dyrbiće kriterije w našich statutach spjelnić a so z našim zamołwjenskim formularom (jendźelsce) zamołwić.
Su někotre organy, kotrež dohladowanskej radźe pomhaja, projekty załožby spěchować, ale formelne organy załožby njejsu:
- Techniski wodźenski wuběrk (Engineering Steering Committee (jendźelsce), krótko „ESC“) skići technologisku orientowansku pomoc při strategiskich naležnosćach a zestaja so hypotetisce z najlěpšich inženjerow zhromadźenstwa.
- Přirada (Advisory Board (jendźelsce), krótko „AB“) forum za organizacije skići, kotrež substancielnje minimalnu runinu financielneje abo druheje podpěry skića, porno tej, kotraž je so přez dohladowansku radu postajiła, zo by so z dohladowanskej radu zetkała a ju poradźowała.
Dohladowanska rada móže ludźi za administraciju abo za wšědne wobchody załožby přistajić.
Projekt LibreOffice
Projekt LibreOffice so přez zhromadźenstwo a organy załožby »The Document Foundation« wudźeržuje, kaž na přikład Engineering Steering Committee a Board of Directors. Projekt LibreOffice z teamami sobuskutkowarjow dźěła, kotřiž wšelake nadawki wuwiwanja, lokalizowanja, designa, wabjenja, testowanja a ekspandowanja Libreoffice koordinuja. Tute teamy su za dalšich sobuskutkowarjow přeco wotewrjene, zo bychu so nam móhli dźensa přidružić.
Slědujće nam