Pomoc zhromadźenstwa

LibreOffice so wot swojeho zhromadźenstwa wuwiwa a podpěruje. Je wjele móžnosćow, zo byšće podpěru zhromadźenstwa dóstał. Jeli sej profesionelnu podpěru přejeće, wopytajće prošu našu přisłušnu stronu.

  • Funkcija pomocy: Hdyž LibreOffice wužiwaće, móžeće kóždy čas z tastu F1 pomoc wuwołać a za temami přepytować. Nimo toho je w nimale wšěch dialogach tłóčatko „Pomoc“, z kotrymž so direktnje pomoc wo datym dialogu wočinja.
    Pomoc hodźi so dźělena wot hłowneho programa jako „helppack“ sćahnyć a instalować.  Pod Linux drje je pomoc wosebity pakćik, ale paketowy zrjadowak jón zwjetša awtomatisce sobu instaluje. Pod MacOS je pomoc hromadźe z rěčnymi datajemi za datu rěč w jednym pakeće integrowana a instaluje so z nimi hromadźe.
  • Dokumentacija (přiručki): Za wšě komponenty LibreOffice su dospołne sadźby přiručkow, kotrež so stajnje aktualizuja. Wjele kapitlow je tež němsce. Kapitle w hornjoserbšćinje hišće njejsu, ale je wotpohladane přiručki dokumentacije přełožować. Hač do toho dyrbiće so bohužel z němskimi přełožkami abo samo z jendźelskim originalom spokojić.
  • Rozpósłanske lisćiny: Dotal serbskorěčne rozpósłanske lisćiny njejsu. Ale móžeće němske rozpósłanske lisćiny wužiwać. Za wužiwarjow z problemami je rozpósłanska lisćina DE-users (users: jendźelsce za „wužiwarjo“) prěnja adresa. Je tu wulka ličba dobrowólnikow, kotřiž wam při wšěch problemach wokoło LibreOffice pomhaja.
    Jei měniće, zo sće zmylk w LibreOffice namakał, móžeće so tež direktnje na rozpósłansku lisćinu discuss wobroćić. Tu su tež dobrowólnicy, kotřiž při zamjezowanju, formulowanju a wozjewjenju zmylka w Bugzilla (jendźelsce) pomhaja.

    Oficielna rozpósłanska lisćina za wužiwarjow, kotřiž pomoc  za LibreOffice pytaja, je users@global.libreoffice.org. Tuta lisćina je za wšěch wužiwarjow LibreOffice, nic jenož za tych němskeho zhromadźenstwa. Kaž pola kóždeje rozpósłanskeje lisćiny dyrbiće ju abonować, prjedy hač móžeće powěsć pósłać. Zo byšće lisćinu abonował, pósćelće prózdnu powěsć (bjez temy a wobsaha) na users+subscribe@global.libreoffice.org. Dóstanjeće hnydom wotmołwu z instrukcijemi. Zo byšće lisćinu wotskazał, pósćelće prózdnu powěsć na users+unsubscribe@global.libreoffice.org.
  • Archiw rozpósłanskich lisćinow: Wšě přinoški rozpósłanskich lisćinow so na Nabble archiwuja. Móžeće tam archiwy z pomocu pytanskeje funkcije za wěstymi temami přepytować, jeli njejsće druhdźe ničo namakał.
  • Ask.LibreOffice : Webstrona LibreOffice Ask (direktnje k Ask němsce abo Ask jendźelsce) móžnosć skići, prašenja wo LibreOffice stajić a wězo na nje wotmołwić. Strona je moderny medij za prašenja a wotmołwy a nima stil klasiskeho foruma z dołhimi diskusijnymi nitkami (threads).
  • Wiki: Wiki je primarnje medij, z kotrymž so dźěło wšelakich teamow LibreOffice koordinuje. Tohodla njeje tak zrumowany kaž naše druhe dokumentacije. Wobsahuje pak jara wjele informacijow, na kotrež maće přistup z pytanskej funkciju.
  • IRC: Jeli podpěru trjebaće abo jeli chceće wo powšitkownych temach diskutować, móžeće z nami přez IRC (Internet Relay Chat) na kanalu #libreoffice-de (němsce) abo  #libreoffice (jendźelsce) pola freenode.net bjesadować. Za wuwiwarjow softwary je kanal #libreoffice-dev.
  • Forumy: Załožba 'The Document Foundation' sama žadyn forum za LibreOffice njewobhospoduje. Su wšak někotre forumy njewotwisne wot załožby TDF, w kotrychž móžeće prašenja stajić. Znate strony namakaće na wikistronje "Inoffizielle Webseiten zu LibreOffice" (němsce).

Najnowše tweety

@libreoffice
@tdforg