Waše dokumenty njebychu ženje tak derje wupadali, hdyž njebychu so z LibreOffice wutworili. Móžeće pisma wubrać a nałožić, kotrež su na wašim ličaku, předłohi za nimale kóždy dźěl swojeho dokumenta nastajić a přiměrić. Ze słownikom awtokorektury móžeće pisanske a prawopisne zmylki hnydom pytnyć. Słownik awtokorektury waš prawopis kontroluje, mjeztym zo pisaće (to hodźi so lochko znjemóžnić, hdyž to nochceće). Jeli dyrbiće wjacore rěče w swojim dokumenće wužiwać, móže Writer z tym tež wobchadźeć.

Asistenty wam wšón nałožk woteběra, kotryž je trěbny za wutworjenje standardnych dokumentow kaž listy, faksy, dnjowe porjady a protokole a wosnadnjeja dźěło za bóle kompleksne nadawki kaž serijowe listy. Pisajće bóle eficientnje z awtowudospołnjenjom, kotrež móže wam husto wužiwane słowa a sady namjetować, zo by to z pomocu zatwarjeneho prawopisneho słownika wudospołnił, štož započešće pisać, hdyž wočinjeny dokument přepytujeće. Dokumentowe předłohi so po standardźe sobu dodawaja: njeje trjeba, kompleksne dokumenty wutworić, my wam je dodawamy!